166               TESTAMENTS ENREGISTRÉS AU PARLEMENT DE PARIS            (406)
à icellui monseigneur le duc garder, défendre et aidier sa dicje execu-cion et les droiz et choses appartenans à ycelle, et de conforter, con­seiller, secourir et aydier ses executeurs, quant ilz l'en requerront, se empeschement seurvenoit en sa dicte execucion ou es biens d'icelle, que Dieux ne vueille, afin que ycelui empeschement feust et soit osté et mis au neant, et que son dit testament ou ordonnance de derre-niere volenté feust et soit entériné et acompli selon sa forme et te­neur, sans ce que ycelui monseigneur le duc eust ne ait aucune charge de recepte ne mise, attendu que ce n'est pas son estat.
Item, pour ce qu'il sembloit au dit monseigneur l'evesque que mes­sire Germain Beville, son chappellain, est et sera bien chargié et occupé en autres choses, sans ce quil face recepte ne despense, selon la clause de ce faisant mencion ou dit testament, le dit monseigneur l'evesque voit et ordonna que Regnault Joudrier, son clerc, feust et soit mis en lieu du dit messire Germain pour faire la recepte et mise des biens et choses du dit monseigneur l'evesque qui sont et seront à Paris et en­viron, ou cas qu'il plaira à ses diz executeurs selon la dicte clause.
Item, le dit monseigneur l'evesque, pour aucunes causes qui à ce le meurent, rapella et revoca le laiz de cent livres Tournois par lui fait en son dit testament à l'eglise parrochial de Fouzis, à laquele il a fait et a entencion de faire du bien en son vivant.
Item, il rappella et rappelle pour aucunes causes le laiz de cent livres Tournois par lui fait en son dit testament à Robert Doges.
Item, le dit monseigneur l'evesque dist et afferma en la presence des diz notaires que, depuis que son dit testament avoit esté par lui fait et passé, comme dit est, il avoit et a paié et acompli les laiz par lui faiz en ycelui son testament par les parties cy après declairées :
Premierement, à la dicte eglise de Saint Andry des Ars à Paris un ymage de saint Andry.
Item, au college de Champaigne dit de Navarre, à Paris, un drap de haulte lisse de l'Istoirê Nostre Dame.
Item, à pluseurs povres escoliers estudians à Paris mile livres Tour­nois.